حد قل ادبه فى التعليق..ايه رد فعلك؟ كان نفسى حد يقل ادبه الواد الى اسمه جوست ده كان نفسى يجيلى
أسوأ مدونة؟ كلهم اشطه
أسوأ بوست..أسوأ مدون؟ لا برضه كلهم اشطه
-------------------------
هيحصل ايه لإيميلك لما تموت؟ موش عارف بس اعتقد انه موش هيبقى له لازمه بس ممكن يبقى ذكرى ولا حاجه
اديتى الباسوورد لحد قبل كده؟ لا
كانت إيه طبيعة علاقتك بيه؟ انتا ما بتفهمش
اسمك؟ خالد
المشهور بيه وسط اصحابك؟ا خالود ولاد خالاتى كيشو
عمرك؟ بلاش بلاش
برجك؟ السرطان
مجال دراستك؟ تجاره
شخصيتك نوعها إيه؟ مهييسه
السفر بالنسبة لك؟ البلد الى مايعرفكش حد فيها ... ومشى فيها
المود بتاعك؟ يزعلان قوى قوى يفرحان مووت ومهيس
وقت فراغك بتعملى فيه إيه؟ بسمع اغانى واعليها على الاخر واديها دانس
الاكلة المفضلة؟ المكرونه الاسبكتى -المكرونه بالشاميل بس تكون لسه خارجه من الفرن
الصفات اللي أخدتها من بابا؟ الانضباط فى المواعيد-تحمل المسؤليه
الصفات اللي أخدتها من ماما؟ الذكاء الاجتماعى والمرونه مع الناس - الثقه بالنفس-الشخصيه القياديه التعامل مع ظروف الحياه المتغيره -التضحيه
اكتر ست حاجات بكرهها؟ الوحده لما اكون عايز حاجه وميكنش فى طريقه ليها الملوخيه احمد ناصر لما يتصل فى اوقات مالهاش لازمه اللون الاسود الجو لما يبقى حر ورخم
اكتر ست حاجات بحبها؟ الكمبيوتر فيلم كينج ارثر الورد الاطفال اى شىء فى بدايته البلب
الشغل بالنسبة لك؟ ما بشتغلش(عاطل)
الانترنت بالنسبه لك؟ الميه والنور لما ينقطع ببقى محتاس
------------------------- هل كنت طالب شاطر فى المدرسة ؟ ابدا
إيه أكتر مادة حبيتها في المدرسة والكلية؟ اى ماده اجيب فيها درجه حلوه
إيه أكتر مادة كرهتها في المدرسة والكلية؟ ممكن الانجليزى معنى عايز اخذ فيها دورات فى الصيف دع
كنت عايز تطلع إيه وأنت صغنن؟ رئيس جمهوري -------------------------- SECTION 1 1. last beverage? كركديه سخن
2.last phone call? احمد ناصر لسه حالا
3.last instant message? ماسج من منتدى المتداول العربى
4. last cd played?ا حبيبها لست وحدك حبيبها
5. last time you cried? مش فاكر بس من زمان
6.last text message? رساله من محمد حنفى ------------------- Section 2 Have You Evers 1. dated someone twice? لا لا لا لا لا
6. been drunk and threw up? اه لو سمعك ابويا دلوقتى
.......... Section 3 List 3 Favorite Colors البنفسجى الاحمر الازرق الخفيف ------------------ Section 4 This month have you: Made a new friend? واحد على الماشى يبقى اكيد اتعرفت لكن صديق ما اعتقدش
2. Fallen out of love? لا
3. Laughed until you cried? حلوه اوى الحكايه دى عايز ابقه اعملها
4.Met someone who changed your life? لا مفيش
5. Found out who your true friends were? طبعا الاصدقاء كتير بس فين النفس
6. Is there something you want to tell someone? انا معنتش منهم
7. Would you kiss anyone on your top friends? فاهمك يا قليل الادب
8. How many people on your top friends do you know in real life? الواد عبدالله بس خد الطياره وسافر دبى ....يا حظك يلا
9. How many kids do you want to have?
على قد ما تقدر
10. Do you have any pets? سلحفاء بس وديتها لولاد خالاتى الصغننين فا انتحرت ودبان وعنكبوت وفراش وكله كان فى الدولاب كنت بحب اجمعهم ونمل كمان
11. Do you wanna change your name? لا
12. What did you do for your last birthday? لما افتح منتدى اعرف ان النهارده عيد ميلادى بفرح
13. What time did you wake up today? سته الصبح
14.What were you doing at midnight last night? خخخخخخخخخخخخخخخخ سامع
15. Name something you CANNOT wait for? محترف........
16. Last time you saw your father? جبت فى سيره القط
17. What is one thing you wish you could change about your life? ..........................
18.What are you listening to right now? ماما وهيا بتكلم فى التليفون
20. Have you ever talked about someone behind their back? للاسف
21.What’s the last piece of clothing you borrowed from anyone? لا مفيش
22.Who’s getting on your nerves right now? موش هقولك عشان ماما ماتزعلش
23. Most visited webpage? نادى خبراء المال
24. Coke or Pepsi? مقاطع بس لو طالبا قوى بيبسى
25. Mac or PC? pc
the end -------------------------------------------------------------------------------- تاج من رنيا بجد انا بفرح قوى لما حد يحقق نجاح الف مبروك على المكتب بتاعك وربنا يوفقك ويوفقنا وتحققى مزيد من التقدم والنجاح
أحب شخص الى قلبك في الدنيا؟ عمرو خالد
إنسان مستعد تضحي بحياتك _ركز في كلمة حياتك_عشانه؟ خليها فى وقتها
إنسان كرهته لدرجة الجنون و تمنيت لو تمسك سكينه
و تنقض عليه و تغرزها في قلبه تقتله و تقف تبص على جثته و تشفي غليل قلبك؟ وانا صغير كان الكلام ده
ما هو إسم أجمل كتاب كتبه بشرقرأته و محتفظ به حتى الآن؟ لا ماليش فى الكتب
إسم كتاب_كتبه بشر برضه_إنت متعلق بيه و بتقراه كل فترة؟ انتا اكيد ما بتفهمش
أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟ الكمبيوتر
شىء تحس بالراحة النفسية عندما تنظر إليه؟ البحر والهوا بتاعه
مكان تحس فيه بالحنين إلى شىء لا تدري ما هو و ذكريات جارفة إلى لا شىء؟ نفسى اروح الحضانه بتاعتى وانا صغير
مكان تحس بالراحة عندما تدخله؟ اوضه النوم
أجمل مدينة زرتها داخل مصر؟ اسكندريه
شخصية كرتونية تحبها؟ باباى والسبانخ بتاعته
نوع هاتفك المحمول؟ زوكيا
سرعة بروسيسور جهازك؟ 512
ذاكرة _هارد_جهازك؟ 80
المساحة التي تشغلها المساحة الاسلامية على جهازك؟ جيجا كده
نفس الاجابة السالف ذكرها في قلبك_الاجابة لنفسك عشان الرياء يا اخوانا؟ طيب
أهم هدف انت واضعه لحياتك الآن؟ محترف
مواصفات فتى الاحلام بالنسبة لي؟ وانتا مالك
بصف ما يأتي شعورك لما بتسمع كلمة مصر؟ بتاعتى ولازم اعمل كتير لبلدى واسلامى
بشعورك لما بتسمع كلام عن اليهود؟ بحس ان احنا شويه عيال
شعورك لما بتشوف الكناس العجوز في الطريق؟ بفكر فمين السبب؟ وازاى مابقاش مكانه فى يوم من الايام
فكارك تجاه شاب ماشي في الطريق يلبس جلابية بيضاء قصيرة
و عمامة و له لحية و بجيبه السواك و في يده المصحف؟ بدعيلو ربنا يثبتو وبحس بالامان
إحساس يراودك في اشارة مرور مغلقة بسبب مسئول كبير؟ حقه
عمر صاحبى الجديد وصاحب مدونه شاب عادى بعت لى تاج من كام شهر كده لدرجه انه فقد الثقه انى هرد عليه فمسح اسمى من الناس الى هيتمررلهم التاج على العموم مايضرش......وفى تاج كمان من شيماء اهلا يا شيماء...ازيك؟ طيب نبدأ بقه
تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارست؟
مممممم ممكن....بص انا حياتى متجدده على طول وانا صغير كانت الاكترونيات هوايتى لما كبرت شويه بقت النت كبرت كما ن شويه بقت كل هوايتى تحديد مستقبلى اه موش فاهم.. يعنى فعلا اى حاجه هتجيبلى فلوس وتحسسنى بذاتى بتبقى هوايتى بورصه العملات مثلا... بس على العموم ده مؤقتا بس لغايه لما اخلص من الهوايه دى والاقى حاجه تجيبلى فلوس وتحسسنى بنفسى ساعيتها مثلا ممكن يبقى الرسم هوايتى اشطه
هل مقدار سعادتك أو شعورك ايا كان- عند تمرير التاج لك- يختلف حسب المدون الذي يمرر لك التاج ؟
طبعا يعنى مثلا لو كان التاج ده جايلى من مدونه هيبقى له وضع تانى (ما تفهمنيش غلط) هل ترى للتاج أهمية حقيقية؟
طبعا ..بس اهم حاجه ان احنا نرد عليه بامانه وصدق لانه تعبير عننا مرايه لينا
هل فكرت في عمل تاج خاص لك من قبل؟
فكرت
هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟
على العموم لو شوفتو بيتكلم بصراحه وبيعبر عن شخصيته بصدق حتى لو كان بيستخدم اسلوب الضحك بس يكون هوا فعلا كده اكيد طبعا ههتم ولو كان عكس كده هصدرله الطرشه واكتبله اى كومنت -عندما ترد على التاج ما الذي تراعيه اكثر؟ اكيد طبعا هراعى المصدقيه وهراعى ايضا توجهاته عشان ما زعلوش هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟ اكيد طبعا
هل تلتزم حرفيا بأسئلة التاج ؟
اكيد...جاوب على اد السؤال
ماهي نوعية التاجات التي تفضلها؟
معرفش انواعها بس التاج ده شغال اشطه اوى هل كنت طالب شاطر فى المدرسة ؟
يعنى حسب مزاجى.............. سنين وسنين
إيه أكتر مادة حبيتها في المدرسة والكلية؟
الرياضه وعلى العموم اى ماده تقبل للخداع يعنى اذاكرها قبل الامتحانات و اظبط فيها -
إيه أكتر مادة كرهتها في المدرسة والكلية؟
الانجليزى....... ممتى وبابايا مدرسين انجليزى
كنت عايز تطلع إيه وأنت صغنن؟
انور السادات انا كنت عايش فى دوره... وبتخيل انى بكلم الشعب زيه ولا لما الوزراء اعلنو استقاليتهم قام باصص لجيهان ولا باين بص لليثى وقاله: هههههه دول المفروض يتحكمو بتهمه الغباء السياسى..... و بقه كنت مرتب حياتى انى هدخل الجيش واعمل ثوره وانقلاب وشد الاخوان واجوز واحده اسمها جيهان وحاكم كل الى كانو فى السلطه وقولت انى هقتلهم فى ميدان عام والاخوان برده اصل صراحه ايامها مكنتش اعرف هما عايزين ايه كنت بقول انهم هما اصلا موش فاهمين هما عايزين ايه ووقفين محتاسين وهطبق شرع الاسلام وكنت مهتم جدا انى اسفلت الشوارع وخليها سوا واحد ههههه بجد واعمل المشروع العظيم وهوا انى ازرع الصحراء كلها ووحد البلاد العربيه وبقى انا الامير بتاعهم وكنت هاخد الفلوس بتاعت الخليج ووديها لبتوع موريتانيا وكنت هحلى البحر المتوسط واعمل منه زى نهر كده لغايه الوادى الجدي واحتمال كنت اكمله للسودان ولا الحروب بقه كنت هعمل فرقه وادخلهم جوا امريكا ولما اعلن الحرب المعلمين يشتغلو ....انفجارات بقه وشغل حاجه زى 11 سبتمب كده وبعديها بقه قولت الامريكان موش هيردو بلاسلام فاهسبهم فى حالهم واكرش اليهود من المنطقه بتاعتنا طبعا بس اعملهم زى ما كانو بيعمللنا وقولت بقه اى حد هيتطرف هظبطه موش هسجنه بس كنت ههاجمه بالشيوخ والكلام ده انا مستمتع وانا بتكلم فى الموضوع ده ممكن ابقى اعمله بوست خاص
--
طب معلش يا شيماء بس انشاء الله هجاوب على التاج بتاعك اصل احتمال ابويا يقوم دلوقتى من النوم ويدينى كلمتين فى نافوخى
Saturday, April 7, 2007
مذكرات يوم 17-4-2022 يعنى قمت من النوم زى كل الايام الممتعه الى بدأنا نعشها على صوت زوجتى المحببه قمت اخذت دش وبعدين جلست معى اولادى على مائده الافطار وجائت زوجتى وهى تحمل اطباق كثيره فقمت لكى اساعدها واثناء الفطار استمعت لمحطه قناه الناس اه بتجيب برنامج حلو اوى عن التنميه البشريه للدكتور ابراهيم الفقى يعنى بحب اعرف ولادى على العلم ده وهما برضو بيدرسوه فى المدارس وبعديها جبت قناه سى ان بى سى اعمل ايه مقدرش اسيب البورصه قبلت زوجتى وذهبنا انا والاولاد الى عملنا قصدى عملى وهما الى المدرسه وانا نازل كلمعتاد اتصل بولدتى لكى اطمئن عليها وعلى الوالد واوصل الاولاد الى مكان اوتوبيس المدرسه بس فعلا انا كنت متاخر بس ربنا يجزيها خيرا جارتنا ايناس فضلت واقفه معاهم لما شافتنى عمال كل شويه ببص فى الساعه بس ايه الشوارع بقه حاجه تانيه خالص موش عارف مصر كان هيجريلها ايه لو كانت كده من زمان شوارع واسعه والعمارات متناسقه ولا موش عايز اقولكم عن البتاعه الغريبه الى عملاها الحى عشان الذباب شكلها عامل زى الفوانيس يا حلاوه يا واولاد وانا راكب العربيه وطبعا مشغل جنات اقابل مين اقابل عبد الله ساكن فى اخر الشارع بس الراجل ده محترم اوى ومابيحبش الاغانى طبعا دى موش عايزه كلام الراجل ركب معايا ونزلته عند شغله وفضل طول ماهوا راكب معايا يا عم موش معنى انى مقتنع ان الاغانى حرام يبقى افرضها على الناس الى مقتنعين ان هيا حلال المهم طبعا انا نفضتله وقولتله متوجعش دماغى يعنى مجتش على شويه الدقائق دول هبقه اسمعهم فى الشغل يلا اسحب بقه على شغلك ومتنساش عيد ميلادى بكره فبصلى كده بابتسامه انا فهمتها هههههههه دخلت المكتب زى كل يوم تيجى مريم تعد توجع دماغى بالمواعيد والكلام ده على فكره ماريم هتجوز يوم الاربع يارب افتكر قبلها عشان اجيبلهم هديه هتجوز واحد محترم اوى صاحب شركه بدرى الى بتنافسنا تخيل كده لما تبقى سكرتيره فى شركه وزوجها مدير لشركه منافسه على العموم مريم سكرتيره شاطره واكيد لو عايزه تسيب الشغل مافيش مشاكل وهقولها كمان مكتبى مفتوح لك فى اى وقت خير ...وانا رايح لغرفه المحاسبه قلت اعملهم كبسه لقيت الواد محمد واقف مع زميلته بس شكلهم بيحبو بعض ربنا يوفق اما الاجتماع بتاع انهارده ده كان مشكله محمد ده نكته قعد ينكت فى الاجتماع بس انا طبعا سبته براحته يعنى قولت ازود العلاقه بين الاعضاء فى الشركه شويه ...بخصوص برده الموضوع ده انا هعملهم رحله على حساب الشركه يلا انشاله محد حوش رحت للمدرسه عند الولاد قلت لما اشوف ايه احولهم قعدت طبعا مع المدرسين الى بيدلهم بصراحه بجد المدارس الحكوميه دى بقه حاجه تانيه خالص انا معتقدش ان لسه فيه مدارس خاصه وخت الاولاد وطلعنا على الازهر بارك قولت لما اقضى معاهم شويه وقت كده واعلمهم هدف الاسبوع الى انا حطه ليهم بس الواد محمد ده موش ممكن نفسه يتعلم لعب الكوره بس بيحاول نفسه يبقه حريف ربنا معاك يا محمد والله و روحنا البيت الهانم مراتى عمللنا ماكرونه بالبشاميل وحطه بيض.... يا ستى انا قلتلك مليون مره انا ما بحبش البيض المهم زى بعضه يعنى هيا دى الى هتفرق قعدت طبعا اقولها الماكرونه رائعه وكملت ورد النفاق بتاعى الصراحه انا شايف ان العلاقه بينى وبين زوجتى بقه جافه قوى قلت اودى العيال عند ماما يعنى اهو بالمره اشوفها اصل ما شفتهاش امبارح واخد حبيبى ونطلع فين نطلع حديقه الازهر اشطه طبعا هيا قالتلى الكلمه المأثوره انتا معندكش غير حديقه الازهر ورحنا هناك وقعدنا بقه نحب فى بعضشينا ونقول بقه كلام من الى بيأشعر ده موش عارف كانت بتقولى ايه كده اه بتقولى انتا لسه بتحبنى زى ايام زمان ساعيتها حزنت قوى وشوفت انا قد ايه انانى بجد والله انا موش حاسس ان حبها قل ليا بس هيا حست بكده.. قعدت اشرحلها ان الفتره الى فاتت كنت مشغول بس بجد انا بهجص على نفسى يلا بقه بس مقدرتش امسك نفسى لما قعدنا نفتكر قد ايه احنا كنا مكسوفين لما اتجوزنا ولا لما محمد اتولد ونسرين قاعدت تعيت كانه خايفه لنرميها فى الشارع زى محنا قولنلها وى احنا مروحين وقفت قدام محل ورود يعنى قلت اكمل بقه الرومانسيه وى قعدنا نسمع اغنيه زى الهوا انا روحت نمت حتى ماتعشيتش يدوب كتبت المذكرات دى وكنت بتعشى معى الملايكه
يا جماعه انا حر انا عايز اعمل الى انا عايزو عايز انزل من البيت دلوقتى واطلع اجرى فى الشارع واجرى واخبط على بيت الجيران واطلع اجرى ولاقى اول عربيه اسرقه واطلع بيها على مساكن العبور واجرى بالعربيه ماهو الشارع فاضى وقف فى نهايه الشارع وسرخ وعلى صوتى وانفجر من العييت واجرى كده وجرى وروح على كوبرى القطر ورمى نفسى وركب الغواصه الى فى النيل وتنزلنى فى القاهره لق هخليها توصلنى اسكندريه ورجع بيها تانى وتنزلنى قدام بيت الريس واطلع اقوله الله يسامحك وخلى الغواصه توصلنى للقمر هعد هناك شويه من غير اكسجين....اكسجين ايه وبتاع ايه واركب عجله ورجع الارض تانى لق موش هرجع مصر انا هروح احج وبعدين اسافر امريكا واتجوز وحده من الاخوان اصل انا بحبهم جدا واخده واحبه جدا وبعدين نخلف بنت جميله عندها 14سنه وولد عنده 6سنين ايوه على طول كده احنا لسه هنربى وخدهم ونطلع نعيش فى اليابان واجيب المصريين يعيشو معانا واودى اليابانين مصر اينعم المصريين هيبوظو اليابان بس موش مشكله ابقه ارجعهم تانى مصر هيكونو اليابانين ظبتوها اه هخلى الامريكان ينقولولى المحيط الهادى على القمر اه وايه المشكله وا اودى العيال عند حماتى وأخذ مراتى الى انا بحبها جدا ونقعد على الشاطىءلوحدنا وهيا لبسه الفستان الابيض وانا موش عارف انا لابس ايه المهم امسك ايديها ونقوم نقف وابص فى عنيها واحبها وعيط وتعيط وابكى وهيا تبصلى ببرائه وتضحك واضحك وحس باحساس غريب ولسه هتكلم تقولى شششش موش عايزاك تتكلم ونروح بيتنا الى على القمر ايه امال احنا فين عشه صغيره واقوم تانى يوم وهيا تقوم معايا ونصلى الظهر جماعه فى الحرم وهيا تفكرنى بعيد الام وفعلا ابص فى الساعه الاقى النهارده6اكتوبر اه فعلا عيد الام وروح اجيب هديه لماما عرفين هجيبلها ايه هجبلها ورده بس وولادى الى انا بحبهم هنروح انا وهما وزوجتى نقعد فى حديقه الأزهر وهيا تكون عامللنا ساندوتشات جبنه بيضه بطماطم وروح معى ابنى نلعب كوره هوا موش حريف بس هيتعلم